Warzish Sehat Ki Mohafiz Exercises For Women

hum sab jantay hain ke werzish hamari sehat ke liye bohat zaroori hai agar hum apni mamool ki zindagi mein barh charh kar hissa lena chahtay hain to werzish ko bohat ahem samajte aur usay –apne yomiya mamool ka hissa bananay ki koshish zaroor karen. yeh aik aam mushahida hai ke woh log jo baqaidagi se werzish karte hain woh ziyada محترک aur achay mood mein rehtay hain. un ke muqablay mein jo ke werzish nahi karte hain .
woh log jo apni fitness ke baray mein hooshiyar rehtay hain woh hamesha werzish karte hain lehaza yeh zahir hai ke agar aap mamool ki zindagi mein barh charh kar hissa lena chahtay hain aur achay mood mein rehna chahtay hain to phir aap ko werzish karni ho gi aur kal se nahi aaj se shuru karen .
–apne khanay ko mat roko sirf werzish shuru karo kyunkay hum aksar dekhte hain ke dr mareezon ko werzish ke liye kehte hain kyunkay yeh sehat ke liye bohat zaroori hai .

is ke ilawa werzish salahiyat ko behtar banati hai. aap ki zindagi mein tabdeeli aati hai. aap khud ko taaza mehsoos karte hain. is se lachak bhi barhti hai aur khud bakhud wazan kam ho jata hai. aap kisi bhi waqt werzish kar satke hain. khaas tor par subah ya shaam ke waqt agarchay werzish aur walk se is ke fawaid dugune ho jatay hain werzish karna umooman subah ke auqaat mein khoob hai lekin aap yeh kisi bhi waqt kar satke hain .
werzish ke liye sakht aur taiz qawaid par kabhi amal nahi karna parta hai .
yeh bhi janna zaroori hai ke werzish zehni sehat ke liye bohat mufeed hai. is hawalay se ki jane wali scienci tehqiqaat mein werzish ke baad zehni qowat mein izafay ke behtareen nataij samnay aaye. jaisa ke is ne tanao ko kam kya’ khud itmadi ko behtar banaya aur is keemiyai maday ko farogh diya jo ke khushi ke liye hain .
agar koi afsurdah hai to pareshani ko rokta hai. is se nakhushgawaar jazbaat ko roknay mein bhi madad millti hai. yeh sab bohat hi anokhay aur ghair mutawaqqa nataij hain. lekin herat angaiz tor par science daan yeh bhi batatay hain ke werzish ki wajah se aap ki yad dasht bhi taiz ho gi. jab aap werzish kar rahay hain to takhleeqi nazriaat aap ke zehen ko chutay hain jo ke aap ko pursukoon rehne mutmaen rakhnay mein muawnat karte hain lehaza khud bakhud rawadari aap ke tarz amal mein ajati hai .

werzish behtar sehat aur khushi ka baais banti hai’ lekin kaisay yeh janna zaroori hai agar aap apni mamool ki zindagi se bore ho rahay hain to phir werzish karna aik lutaf hai. hum sab aam tor par apni mamool ki zindagi se be zaari mehsoos karte hain aur aaraam da rehna chahtay hain to aap ke liye lutaf andoz honay ka yeh aik acha tareeqa hai. is terhan hamara waqt zaya nahi ho ga balkay usay tafreeh ke sath istemaal kya ja sakay ga .
kya yeh acha khayaal nahi hai? masharti sar garmion mein bhi werzish se izafah ho ga jaisay jab aap kisi park aur khail ke maidan mein jatay hain to aap ke taluqaat aur dost ahbaab is terhan se barhatay chaltay jatay hain .
rozana baqaidagi se werzish aap ko samaji sar garmion mein barh charh kar hissa lainay mein madad day gi aur is ke sath aap ki sehat ke fawaid mein izafah ho ga. werzish karne se aap ki qowat bardasht aur tawanai mein bhi izafah ho ga .
achi werzish ke baad aap pursukoon ho jayen ge. jadeed daur mein aik masla yeh bhi hai ke jo log werzish nahi karte hain ya lambay waqt tak nahi chaltay hain. un ke jism mein cholesterol ki satah mein izafah ho jata hai. jis se wazan bhi barhta hai. yun ziyada wazan ki wajah se muashray mein ziyada tar bemariyan payi jati hain lehaza werzish is ka behtareen mutabadil hai yun bhi kaha ja sakta hai ke werzish dawa bhi hai .

yaqeenan bohat se logon ke paas taweel arsay se werzish ke liye naam Nihaad masroof zindagi ki wajah se ziyada waqt nahi hota hai lekin inhen aadat banani chahiye aur is ke liye aik schedule muratab karna chahiye werzish karne ke liye waqt guzarnay ke sath sath aap aadat dalain ge to phir aap ko koi rokkk nahi sakay ga’ lekin achanak nahi balkay aahista aahista werzish karna aata hai. pehlay agar aap 20-15 din ke waqfay ke baad adhay ghantay ke liye werzish kar rahay hain to werzish ke waqt mein 15 minute izafay ka matlab 45 minute tak barhna hai. yeh baat yahan bohat ahem hai ke agar aap –apne jism ko sahih tareeqay se istemaal nahi kar rahay hain to aap usay zaroor kho den ge lehaza werzish karna zaroori hai agar aap sehat mand’ khush aur khushaal zindagi guzaarna chahtay hain kyunkay werzish sehat ki Muhafiz hai .

About admin

Leave a Reply

Your email address will not be published. Required fields are marked *